Fjepparatos: HB skal vinna sunnudagin

21-09-2018

Sunnudagin kann HB tryggja sær meistaraheitið í fótbólti, um liðið vinnur ella spælir javnt móti KÍ. Tveir fjepparar kjakast um dystin

23. umfar í landskappingini í fótbólti hjá monnum verður um vikuskiftið, og sunnudagin kann verða dagurin, tá føroyameistaraheitið verður avgjørt, tá KÍ tekur í móti HB í Klaksvík.

HB liggur so væl fyri í kappingini, at teir við einum javnleiki kunnu tryggja sær meistaraheitið í fótbólti, hóast fýra umfør eru eftir.

Kristian Joensen, KÍ'ari, væntar, at KÍ fer at megna at útseta meistaraheitið hjá HB, meðan Allan Samuelsen, HB'ari, vil hava HB at avgera alt beinanvegin, og ongantíð betur, um tað verður við Djúpumýru í Klaksvík.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)