Til minnis um Kim Larsen

01-10-2018

Ein tími við tónleiki og gestum, sum minnast Kim Larsen, sum andaðist 30. september

Sunnudagin 30. september 2018 bórust boðini um, at fólkakæra, danska tjóðarskaldið Kim Larsen er deyður eftir drúgva sjúkralegu.

Morgunsendingin minnist Kim Larsen saman við fleiri gestum og spælir eina røð av kendastu løgunum hjá honum.

Millum annað hoyra vit brot úr innslagi, sum varð tikið upp í sambandi við 70 ára føðingardagin hjá Kim Larsen, har føroyski listamaðurin, Amariel Norðoy, sum kendi Kim Larsen sera væl, spælir gamlar upptøkur frá 1988 av sangum, sum ongantíð eru útgivnir.

Hini, sum minnast Kim Larsen, eru Høgni Hoydal, Høgni Lützen, Fróði Vestergaard og Urd Johannesen.

Mynd: Bjartur Vest

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)