Fimm góð ráð til at tosa við børn og ung

02-10-2018

Svensk kanning hevur staðfest, at børn og ung helst ikki tosa við pápan um trupulleikar, og tað hevur Javnstøðunevndin tikið til eftirtektar

Eitt svenskt barnablað hevur gjørt eina kanning millum børn og ung í aldrinum 8 til 14 ár, har tey verða spurd, hvønn tey fara til, tá tey eru kedd.

Næstan annarhvør svarar, at tey fara til mammu sína, meðan páparnir liggja heilt niðri á sjey prosentum.

Javnstøðunevndin ger átak

Hetta hevur fingið føroysku Javnstøðunevndina at gera nakað burtur úr evninum, og millum annað hava tey lagt út fimm góð ráð til vaksin, um tey vilja hava, at barnið ella tann ungi tosar við seg um avbjóðingar.

- Tað harmar okkum sum pápar, at vit liggja so niðarlaga, sigur Ólavur Ellefsen, formaður í Javnstøðunevndini.

Tey fimm góðu ráðini eru at síggja á facebook-vanganum hjá Javnstøðunevndini og á heimasíðuni hjá nevndini.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)