Felags um kreativu verkstovu

15-10-2018

Verkstaðið er heitið á kreativum verkstaði, sum fýra fólk hava tikið stig til at stovna í felag. Fyrimunirnir eru fleiri, siga tey

Í Klaksvík er ein nýggj kreativ verkstova latin upp, sum er arbeiðspláss hjá fýra kreativum fólkum, sum arbeiða við hvør sínum evni.

Tey arbeiða við sniðgeving, seyming, binding, brodering og animatión.

Tey fýra, Unn Baldursdóttir, Fía Heinesen, Ásla Heinesen og Rókur Heinesen, arbeiddu hvør í sínum lagi við hús, inntil tey fingu hugskotið at lata ein verkstað upp saman, har tey kundu hava hvør sítt arbeiðspláss, men kortini vera felags um høli, fíggjarliga partin og eisini tann sosiala partin.

Tær tríggjar hava allar starv við síðuna av kreativa arbeiðinum, tí tað ber ikki til at liva av tí, og tí er hetta ein sera góður leistur, siga tær.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)