Guðbjørg er vitjanarvinur hjá Katrinu

18-10-2018

Einaferð um vikuna vitjar Guðbjørg á Lofti 95 ára gomlu Katrinu Mariu Olsen. Guðbjørg er vitjanarvinur hjá Reyða Krossi

Í vesturbýnum í Havn býr 95 ára gamla Katrina Maria Olsen. Hon fær vitjan eina ferð um vikuna, tá Guðbjørg á Lofti, sum er vitjanarvinur hjá Reyða Krossi, støkkur inn á gólvið.

Tær práta og hugna sær saman, og tað er gevandi fyri báðar. Katrina fær gestir, og Guðbjørg fær innlit í lívið hjá Katrinu, sum dugir væl at siga frá.

Reyði Krossur hevur havt vitjanartænastu í fleiri ár, og tænastan er ment nógv øll árini og fevnir nú um næstan alt landið, siga Eyrith Guttesen Leyni og Marin Samuelsen frá Reyða Krossi.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)