- Tíðindi, mentan og ítróttur
Góðan morgun Føroyar
Føroyingar eru ov feitir, røra seg ov lítið og teir eta minni frukt enn teir hava gjørt seinastu árini.
Meir enn helvtin av føroyingum - 56 prosent - eru ov feitir, meðan 42 prosent hava eina normalvekt. Sambært kanningini kunnu 13% bólkast at vera feit.
Tað vísa úrslitini av stóru heilsukanningini, sum Gallup hevur gjørt fyri Fólkaheilsuráðið.
- Einfalda orsøkin til, at nógvir føroyingar eru ov feitir, er, at vit inntaka ov nógva orku, og vit brúka ov lítið av orku, sigur Magnus Norðberg, sum er útbúgvin í ítróttarvísund, mati og stoffskifti.
- Matgóðskan, á tí vit velja at eta, er ikki tann besta.Tað vil siga, at tað er nógv orka í matinum, vit eta, uttan at hann mettar tað stóra, sigur Magnus Norðberg og sipar til allar tær framleiddu vørurnar, vit eta.
Í morgunsendingini greiddi hann frá heilsustøðuni hjá føroyingum, og hvat kann gerast, fyri at fólk liva eitt heilsubetri lív.