- Tíðindi, mentan og ítróttur
Góðan morgun Føroyar
- Tá eg havi verið og ferðast, havi eg sæð, at fólk ganga túr við hundum, meðan eigararnir eru til arbeiðis ella ikki hava møguleika at fara út við hundi sínum. Tað er eitt fínt hugskot, og nú vil eg so vita, um hetta eisini letur seg gera í Føroyum.
Soleiðis sigur Jannie Dam Jacobsen, sum í næstum bjóðar seg fram at ganga túrar við hundum.
Ætlanin er, at Jannie Dam Jacobsen fer eftir hundinum, har hann er, og síðani gongur hon túr við honum í ein tíma ella har á leið. Hon væntar, at hon fer at hava upp í fimm hundar við sær á hvørjum túri.
- Her í Havnini eru eisini góð fríøki og eitt sokallað hundaland, har hundarnir kunnu renna leysir, so har fari eg heilt sikkurt eisini við teimum, sigur Jannie Dam Jacobsen, sum hevur verið á skeiði í Danmark fyri at læra um hundar og teirra atburð.
Í morgunsendingini greiddi hon frá hugskotinum um at njóða seg fram at ganga túrar við hundum.