Cecilia Jacobsen bilsin um góðu móttøkuna

06-12-2018

Cecilia Jacobsen megnaði at selja atgongumerki til eitt fult Norðurlandahús. Nú er hon í holt við at fylla Løkshøll, og er eftirspurd aðrastaðni

400 fólk sótu bergtikin og lurtaðu, tá Cecilia Jacobsen trein á pallin í Norðurlandahúsinum. Nú skuldi veruliga søgan forteljast um lívið hjá Ceciliu. Talan er um fyrilesturin "At gerast CeeCee", sum hon fyri stuttum helt í Norðurlandahúsinum.

- Eg var skelkað og glað fyri, at so móttøkan var so góð, sigur Cecilia Jacobsen.

Fyrilesturin snúði seg um eitt lív ivð ágangi, plágan, sálarsjúku, vanlagnu og sjálvshatri. Í høvuðsheitum snúði fyrilesturin seg um kvinnuna, sum hevur barst fyri rættinum at vera tann, hon er, og fyri at ogna sær tað, heimurin ikki vildi unna henni: gleði.

- Fólk bæði grótu og flentu, sigur Cecilia, tá hon minnist aftur á, hvussu hon upplivdi áskoðarafjøldina. Hetta endurspeglar eisini Ceciliu sjálva, sum nú hevur eina heldur humoristiska tilgongd til lívsins aldurdalar.

Cecilia hevur verið nógv frammi í seinastuni. Eitt nú luttók hon í sjónvarpssendingini "25 minuttir", har Rebekka Manuela Behrens hitti hana, og har hyggjaratølini settu met. Sí sendingina her.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)