Kjak: Ósamd um varskógvaraskipan er neyðug

05-02-2019

Kristina Háfoss, landsstýriskvinna í Fíggjarmálum, og Bárður á Steig Nielsen, formaður í Fíggjarnevndini, skifta orð um varskógvaraskipanina

Enn ein almenn umsiting, sum kostar pengar, sigur Bárður á Steig Nielsen í Sambandsflokkinum um varskógvaraskipanina.

Nei, sigur Kristina Háfoss, landsstýriskvinna, sum eigur lógaruppskotið. Eitt fólk hjá Landsgrannskoðanini skal umsita skipanina, sigur hon.

Meirilutin í Fíggjarnevndini mælir frá at samtykja lógaruppskotið um varskógvaraskipan.

Møguleikarnir at boða frá óreglusemi hjá tí almenna eru Løgtingsins umboðsmaður, Landsgrannskoðanin, fakfeløgini, miðlarnir og talufrælsið, sigur meirilutin í Fíggjarnevndini. Meirilutin heldur tí ikki, at neyðugt er við enn eini almennari umsiting afturat.

Onnur viðgerð og atkvøðugreiðsla um varskógvaraskipanina verða í morgin.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)