Kvinnurnar fingu uppreisn

11-02-2019

Fyrsta grammy-tiltakið var í 1959. Tá vóru eitt nú Frank Sinatra og Ella Fitzgerald heiðrað

Í fjør var stór misnøgd um, at so fáar kvinnur taldust millum teirra, ið fingu grammy-virðislønir. Forsetin í grammy-nevndini, Neil Portnow, segði tá, at kvinnurnar mugu taka seg saman, um tær vilja verða betur umboðaðar.

Bretska poppstjørnan, Dua Lipa, vann í greinini besta nýggja listafólk. Í síni takkarrøðu fegnaðist hon um, at so nógvar kvinnur vunnu hesaferð.

Dua Lipa mintist orðini hjá Neil Portnow, tá hon legði aftrat - Vit hava veruliga tikið okkum saman í ár.

Morgunsendingin hitttir Gretu Svabo Bech, sum í 2012 var í uppskoti til eina grammy-virðisløn fyri sín leiklut í sanginum Raise Your Weapon hjá Deadmau5.

Eisini tekur Uni Leitisstein saman um ársins grammy-virðislønir.

Síggj vinnararnar her.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)