Í kvøld fer 8 ára gamla Elia Enghamar á Anfield

19-02-2019

Mamma græt, tá vit fingu at vita, at vit sleppa til Liverpool, sigur dóttirin, Elia Enghamar

Tá Liverpool og Bayern Munchen bresta saman á Anfield Road, fer 8 ára gomul føroysk genta at leiða liverpoolspælara inn á vøllin.

Hetta er komið í lag, tí sponsk sjónvarpsrás ger dokumentarsending um Champions League.

Endamálið er at lýsa fótboltskappingina frá einum positivum sjónarhorn, og dentur verður lagdur á kvinnur.

Sjónvarpsliðið setti seg í samband við fjepparafelagið Liverpool Føroyar, tí tey leitaðu eftir møðgum, sum halda við Liverpool.

Kassameistarin í felagnum, Piddi, greiðir frá, at tey bóðu áhugað senda nakrar reglur.

Endin varð, at Elia og Annika Enghamar sleppa til Champions League dyst í Liverpool.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)