- Tíðindi, mentan og ítróttur
Góðan morgun Føroyar
Jan Ziskasen arbeiðir í dag sum stjóri á Føroya Tele, og tað hevur hann gjørt seinastu trý árini. Men áðrenn hann gjørdist stjóri á Føroya Tele, hevur hann starvast sum stjóri í fleiri risafyritøkum í bæði London og Chicago.
Í morgunsendingini í morgun prátaðu vit við Jan Ziskasen um, hvat krevst fyri at náa til tops uttanlands samanborið við heima í Føroyum. Vit prátaðu eisini um, hvussu tað er at koma aftur til Føroya aftan á 25 ár í útlondum.
Hann sigur, at føroyingar standa einki aftan fyri fólk uttlands - vit duga minst líka væl sum onnur - men trupulleikin er, at vit ofta ikki tora at sikta serliga høgt. Hann leggur aftrat, at vit ofta tosa okkum sjálvi og onnur niður, ístaðin fyri at uppbyggja hvønn annan.