- Tíðindi, mentan og ítróttur
Góðan morgun Føroyar
Hvørt ár herjar sonevnda RS-virusið, og í ár er einki undantak. Hetta merkja tey væl á Barnadeildini á Landssjúkrahúsinum.
- RS er í hæddini beint nú. Fyri stór børn og vaksin er hetta sum eitt vanligt forkølilsi, men tá tað snýr seg um pinkubørn, er hetta virusið ikki heilt vandaleyst, sigur Súsanna Funding, sum er sjúkrarøktarfrøðingur og hevur seinastu mongu árini arbeitt á Barnadeildini á Landssjúkrahúsinum.
Í løtuni eru nógv pinkubørn innløgd við RS.
- Hesi børnini hava økt slím, trupult við at anda og orka illa at taka føðslu til sín. Tað kann fáa keðiligar avleiðingar, tí í summum førum blíva tey heilt illa fyri, og tá kann støðan gerast rættiliga álvarsom, sigur Súsanna Funding.
Í morgunsendingini greiddi hon frá RS, og hvat foreldur kunnu gera í royndini at sleppa undan hesum slagnum av virus.