Munnhøgg er tað, sum á enskum eitur Battle Rap.

Tað eru menninir í bólkinum Swangah, Ragnar Davidsen, Steen Rói Lorenzen og Eyðun Müller Thomsen, sum standa aftanfyri hugskotið.

Ragnar Davidsen sigur, at teir í Swangah ikki sjálvir fara at munnhøggast.

Hetta er ein pallur, sum vit gera fyri at onnur, ið duga at rappa, skulu blíva sjónlig.

Í ávisan mun er talan um improvisatión, tá fólk munnhøggast, men tó verður eisini fyrireikingartíð.

Tá tú veitst, hvør mótstøðumaðurin, ella -kvinnan, er, ræður um at finna veikleikar hjá viðkomandi, sum kunnu brúkast í munnhøgginum.

Tey, sum eru við, eru fullgreið yvir, at tú tey kunnu fáa nógv omanyvir seg. Tað er partur av konseptinum.

Munnhøgg kann lýsast sum eitt slag av skipaðari happing, sigur Ragnar Davidsen, ið eisini ásannar, at hetta er rættiliga góð venjing hjá teimum, sum hava hug at gera meira við rapp og hipp hopp.

Í kvøld, fríggjakvøldið, klokkan 20, fara ALLAHN og Silvurdrongur á pallin. Teirra munnhøgg verður stroymt beinleiðis á Youtube-síðuni hjá Swangah, ið kann síggjast her.

- Teir hava hvør sín stíl, men teir leggja hart eftir hvørkum øðrum, lovar Ragnar Davidsen.

Meira kunning er á Instagram-vanganum, iLLTONKT.

Facebook-vangin er her.