Leita eftir søgum um siglingarleiðir

13-03-2019

Skjótt ber til at fara á eina heimasíðu, har tú finnur kunning og áhugaverdar søgur um tær ymsu siglingarleiðirnar í Føroyum

Er vindur av landsynningi, kann vera sera ókyrt í Nólsoyarfirði, men fert tú norður í Svínoyarfjørð og norður um Enniberg, so er stilli.

Og skalt tú sigla um Streymin, undir brúnna, so ligg klárur á kyrrindum í Suðuroyarfirði tveir dagar framman undan.

Tað eru søgur sum hesar, sum tú skjótt kanst finna og lesa um á netinum.

Jens Mortan Rasmussen er saman við øðrum farin undir at savna saman kunning um tær ymsu siglingarleiðirnar í Føroyum. Ætlanin er, at hesar síðani verða at finna á netinum - bæði á føroyskum og útlendskum máli.

'Í morgunsendingini greiddi Jens Mortan Rasmussen frá um hugskotið og ætlanirnar við heimasíðuni.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)