- Tíðindi, mentan og ítróttur
Góðan morgun Føroyar
Patrik Sjøberg var víðagitin fyri síni framúrskarandi evni sum hæddarleypari. Men tað, sum eingin visti, var, at hann bleiv kynsliga misbrúktur av venjara sínum, sum eisini gjørdist fosturpápi hansara.
Ikki fyrr enn venjarin doyði, og Patrik Sjøberg ásannaði, at hann als ikki kendi nakra sorg, fann hann dirvi at fortelja umheiminum um sínar upplivingar. Nú kemur hann til Føroya at halda fyrilestur um misnýtsluna.
Og nettupp tað, at dreingir ikki siga frá, er afturvendandi, siga Malan Kjærbo og Gvøðbjørg West, sum umboða Kris.
Eisini er Jarvin Feilberg Hansen, ráðgevi hjá ÍSF í útvarpsstovuni.
Hann vísir á, at ítøkilig stig eru tikin úti í feløgunum til at hava skipað viðurskifti á økinum.
Eitt nú nevnir hann, at fyrr var vanligt, at venjarin fór í brúsu saman við børnunum, men soleiðis er ikki longur.
Fyrilestrarnir við Patrik Sjøberg verða í Løkshøll í Runavík 20. mars og í Norðurlandahúsinum í Havn 21. mars.