– Vit hava havt ein steðg í 30 ár

08-05-2019

Í mínum hugaheimi eru vit ongantíð givnir, sigur Herálvur Jensen, sum, eins og hinir, er spentur at sleppa á pall aftur við Samsint

Samsint taldist millum best umtóktu rokkbólkar í Føroyum í seinnu helvt av 80unum.

Kristni bólkurin bólkurin spældi nógvar stórar konsertir í Føroyum og eisini var onkur uttanlands.

Fløgan og bandið, sum kom út í 1989, var væl fagnað og sangir sum Vit vóru orsøk og Eg veit frelsari mín livir vóru stórhitt.

Stutt eftir gavst Samsint, men nú, 30 ár eftir einastu útgávuna, kemur bólkurin saman aftur og fer at spæla jubileumskonsert á Summarfestivalinum.

Tað verða teir fimm upprunalimirnir, ið fara á pallin. Herálvur Jensen, Jónsvein Heinesen, Andrew Jensen, Heini Lutzen og Jan Zachariassen.

Í morgunsendingini hugleiða limirnir um tað stutta men hendingaríka tíðarskeiðið bólkurin var virkin.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)