– Børn hava rætt til bæði síni foreldur

14-05-2019

Í serfrøðingatáttinum umrøður Jógvan Páll Lassen, advokatur, rættin hjá børnum til foreldur síni, rættindini hjá pápum og foreldramyndugleika

Um eini foreldur ikki eru gift, so hevur mamman foreldramyndugleika av barni ella børnum.

Eru eini foreldur gift, so hava bæði foreldrini foreldramyndugleika, og tískil skulu avgerðir framvegis takast í felag, um foreldrini fara hvør til sítt.

Fer eitt ógift par hinvegin hvør til sítt, so hevur mamman foreldramyndugleika og kann taka tær avgerðir, sum hon vil.

Rætturin kann ikki døma felags foreldramyndugleika. Ógift pør kunnu bert hava felags foreldramyndugleika, um bæði ynskja tað.

Jógvan Páll Lassen greiðir frá, hvussu foreldur kunnu bera seg at, um tey fara hvør til sítt, hvussu rætturin viðger slík mál, í hvønn mun børnini verða hoyrd og so framvegis.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)