Samgongufundur um Eysturoyartunnilin í morgin

bannari
Samgongufundur um Eysturoyartunnilin í morgin
Frágreiðing kemur í dag, og samstundis roynir andstøðan at fáa nóg nógvar undirskriftir at seta kanningarstjóra
 
18.09.2013 - 08:18

Í morgin hevur samgongan aftur fund um Eysturoyartunnilin. Tað upplýsti Jørgen Niclasen, landsstýrismaður í tunnilsmálum, í kjakinum í sjónvarpinum í gjárkvøldið.

Hann segði, at í dag kemur frágreiðingin, sum fólk í fýra aðalráðum, Innlendismálaráðnum, Fíggjarmálaráðnum, Vinnumálaráðnum og Løgmansskrivstovuni, og hjá Landsverki fyri tveimum vikum síðani vórðu biðin um at gera.

Fyrimunir og vansar

Í frágreiðingini verður fyrst og fremst víst á fyrimunir og vansar við teimum ymsu mátunum at fíggja Eysturoyartunnilin, tað er privat ella alment. Sum skilst eru eisini dagførd ferðslutøl í frágreiðingini.

Samstundis roynir andstøðan at fáa 14 undirskriftir undir krav um at seta kanningarstjóra at kanna lutin hjá løgmanni í tunnilsmálinum hjá Innlendismálaráðnum. Tað upplýsti Høgni Hoydal, formaður í Tjóðveldi, í kjaksendingini.

Kári neyvan við

Verður Kári P. Højgaard taldur við, eru 14 fólk uttan fyri samgonguna. Men tað verður ikki hildið vera sannlíkt, at Kári P. Højgaard skrivar undir krav um kanningarstjóra í tunnilsmálinum, sum hann sjálvur byrjaði. Landsstýrismálanevndin hjá løgtinginum er longu farin at kanna Kára P. Højgaard, fyrrverandi landsstýrismann. Men hon kannar ikki lutin hjá løgmanni í tunnilsmálinum.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585