Peningafalsan í Grønlandi

Løgreglan í Nuuk hevur avdúkað, at falsaðir pengar eru í umferð har. Tað skrivar Sermitsjakk. 

Maðurin, sum nú er í varðhaldi, hevur serliga brúkt falsaðar 1000 krónuseðlar á matstovum. Løgreglan heitir av somu orsøk á handilsfólk um at vera ansin, tá tey taka ímóti pengum, tí falsaðir pengaseðlar eru enn í umferð í Grønlandi. 

Løgreglan sigur í fráboðan, at tað kann vera torført at skyna mun á følsku pengaseðlunum og teimum veruligu. Tað er enn ikki greitt, hvussu nógvar pengar, talan er um.

Í Grønlandi brúka tey danskar pengaseðlar, sum føroyskir handlar eisini taka ímóti.