- Tíðindi, mentan og ítróttur
Vinnutíttleikin í Føroyum hægstur í Evropa
Vinnutíttleiki er arbeiðsfjøldin. Tað vil siga, tey ið eru virkin ella tøk á arbeiðsmarknaðinum í prosentum av øllum fólkatalinum í vinnuførum aldri. Í manntalið vóru hetta fólk millum 15 og 75 ár.
34 lond eru við í yvilitinum hjá Manntali, og Føroyar, Ísland og Sveis eru í einum flokki fyri seg.
Í Føroyum og Íslandi er vinnutíttleikin 78 prosent og í Sveis er hann 75 prosent.
Síðani eru 19 lond, har vinnutíttleikin liggur millum 71 og 63 prosent.
Niðast eru 12 lond, har vinnutíttleikin er frá 60 niður í gott 50 prosent.
Føroyar og Ísland skilja seg burturúr við at liggja hægri enn hini londini í flestu aldursbólkunum. Serliga skilja vit okkum út við at hava hægri vinnutíttleika hjá teim yngstu og serstakliga hjá teim elstu.
Í Danmark er vinnutíttleikin 70 prosent.