Felagsskapur vil varðveita ríkisfelagsskapin

25.08.2014 - 08:10
AktueltSamfelag
Felagsskapur vil varðveita ríkisfelagsskapin
Danir, grønlendingar og føroyingar stovna fólksliga rørslu at verja ríkið
Edmund Joensen er einasti føroyingur í nevndini hjá nýstovnaða felagnum, sum eitur Ríkisfelagsskapurin
 

Fólk í Danmark, Grønlandi og Føroyum hava stovnað felagið Ríkisfelagsskapurin.

Felagið varð stovnað í Keypmannahavn og tað er, sambært teimum, sum stovnaðu felagið, ein fólkslig rørsla, sum vil varðveita og styrkja ríkisfelagsskapin, sum tey siga, til gagns og gleði fyri komandi ættarlið.  

Nauja Lynge, sum hevur tikið stig til nýggja felagsskapin og er forkvinna, sigur, at tey eru sannførd um, at Grønland, Føroyar og Danmark eisini í framtíðini eiga at samstarva og vera saman. Hesin felagsskapur, sum vit hava kent í øldir, er rætta grundarlagið undir einum nýggjum, fruktabærum og javnbjóðis samstarvi.

Felagið Ríkisfelagsskapurin skal ikki bara vera fyri tey fáu, men heldur ein fólkslig rørsla. Styrkin hjá rørsluni eru familjubond og tætta sambandið millum føroyingar, grønlendingar og danir. 

- Tí fara vit at brúka alla megi fyri at tryggja samanhaldið millum fólkini og londini, sigur Nauja Lynge.

Umframt hana eru Jairus Lyberth, Martine Lynge Lyngesen, Nikolaj Olsvig, Edmund Joensen, Michael Keldsen og Morten Larsen í nevndini hjá felagnum Ríkisfelagsskapinum. 


  
 

 
Nýggjastu sendingar í ÚV
Mánadag 23. november
Nón - 23. november 2020
116658
Mánadag 23. november
Norðurljóð 23.november 2020
116649
Mánadag 23. november
Áðrenn Elvis - Elektriskur bluesur
116654
Nýggjastu sendingar í SV
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617
Sunnudag 22. november
Guðstænasta úr Havnar kirkju
116616