Fleiri eiga sleppa at keypa landsjørðina

Fleiri eiga sleppa at keypa landsjørðina
Í endaliga tilmælinum til landsstýrismannin, verður landsjørðin seld festarum og leigarum
 
28.08.2014 - 11:24

Fleiri enn upprunaliga ætlað eiga at sleppa at keypa landsjørðina, tá, ella um, hon verður seld.

Fyrst mælti verkætlanarbólkurin hjá Fiskimálaráðnum til, at bara fólk, sum búgva í Føroyum, og sum ikki fara at eiga meira enn fimm prosent av jørðini í Føroyum, tá tey hava keypt landsjørð, eiga at sleppa at keypa landsjørð.  

Men í endaliga tilmælinum, sum Jacob Vestergaard fekk, er talið fimm vorðið til tvey prosent. Verkætlanarbólkurin segði eisini í fyribils tilmælinum, at landsjørðin verður seld verandi festarum fyri ein mettan marknaðarprís. Í endaliga tilmælinum verður landsjørðin seld festarum og leigarum. 

Skuldi ikki síggja frágreiðingina

Stýribólkurin, sum varð settur, tá landsstýrismaðurin í landbúnaðarmálum setti arbeiðsbólk at lýsa neyvt og ítøkiliga spurningin um at selja, einskilja, landsjørðina, sá ikki frágreiðingina, tá hon var liðug og latin landsstýrismanninum.

Og tað var heldur ikki ætlanin. Stýribólkurin skuldi bara lata eina endamálsorðing, sum verkætlanarbólkurin skuldi arbeiða eftir.Hann skuldi ikki góðkenna frágreiðingina ella fáa hana til ummælis, áðrenn verkætlanarbólkurin handaði landsstýrismanninum hana. 

Arbeiddi skjótt

Í verkætlanarbólkinum vóru  Arne Poulsen í grannskoðaravirkinum Numo, hann var formaður, Jákup Mørkøre í Fiskimálaráðnum var skrivari og har vóru eisini Óli Johansen á Umhvørvisstovuni og Rólvur Djurhuus á Búnaðarstovuni.Teir arbeiddu skjótt. Bólkurin varð settur 8.apríl, hann hevði 11 fundir og var liðugur 1.juli. 

Í stýribólkinum vóru Heri Joensen og Anni á Hædd í Fiskimálaráðnum, Petur Nielsen á Umhvørvisstovuni, Bjørn Patursson á Búnaðarstovuni og Bárður Larsen í Kommunufelagnum.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585