Anita fingið nýtt loyvi at royna við gørnum

Anita fingið nýtt loyvi at royna við gørnum
Anita kann halda fram at fiska svartkalva og havtasku í nýggja fiskiárinum. Reiðaríið skal svara løgmanni mikudagin
Anita hevur fingið nýtt fiskiloyvi, men kann missa veiðiloyvið
 
01.09.2014 - 07:36

Fríggjadagin fekk Anita nýtt fiskiloyvi frá Vørn, sum er galdandi í fiskiárinum, sum byrjar í dag.

Eins og í farna fiskiári hevur Anita loyvi at fiska svartkalva og havtasku við gørnum á føroysku landleiðunum. 

Hósdagin boðaði løgmaður frá, at hann ætlar at taka veiðiloyvið frá Anitu, tí skipið skal hava brotið fiskivinnulóggávuna. Tað er kortini ikki staðfest í rættinum enn.  

Reiðaríið hjá Anitu hevur freist til mikudagin at gera viðmerkingar um ætlanina hjá løgmanni at taka veiðiloyvið frá Anitu.

Kunnu fara í rættin 

Í 1998 kom at standa í lógini um vinnuligan fiskiskap, at brot á reglur, ásettar við heimild í lógini, kunnu hava við sær, at landsstýrismaðurin kann taka aftur rættindi eftir lógini endaliga ella fyribils. 

Í hesum førinum var landsstýrismaðurin í fiskivinnumálum ógegningur at viðgera Anitu, tí skiparin er bróðir aðalstjóran í Fiskimálaráðnum. Tí endaði Anita hjá løgmanni.

Sambært lógini kann avgerðin hjá løgmanni skjótast inn fyri Føroya rætt innan tvær vikur. Men tað hevur tó ikki stegðandi virknað. 
Freistin hjá reiðaríinum, P/f Seta, at fara í rættin er til 11.september.   

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585