- Tíðindi, mentan og ítróttur
Vænta metstóra vallutøku
<p>At fólk eru skrásett frammanundan er treyt fyri, at tey kunna fara á val í dag. Valhølini eru opin til klokkan tíggju í kvøld, og ikki fyrr enn tá byrjar uppteljingin í teimum 32 valdømunum, sum Skotland er býtt upp í.</p>
<p>Tá verða eisini brævatkvøðurnar taldar, sum eru slakar 800.000 í tali. Tá uppteljingin er liðug í hvørjum valdømi sær, skal valdømisleiðarin boða leiðarum fyri landsúrslitið frá, og ikki fyrr enn tað er gjørt, fer úrslitið víðari til fjølmiðlarnar.</p>
<p>Teir telja sjálvsagt upp og gera framskrivingar, men almenna landsúrslitið verður neyvan almanna-kunngjørt fyrr enn millum hálvgum sjey og hálvgum átta fríggjamorgunin.</p>
<p>Hildið verður, at landsúrslitið mest sannlíkt verður almannakunngjørt millum klokkan hálvgum sjey og hálvgum átta í morginári.</p>