Google fer at byggja býir og flogvallir

<p>3,5 milliardir ferðir hvørt samdøgur. So oftani brúka tú og onnur&nbsp;fólk í heiminum Google, tá leitað verður eftir kunning um eitthvørt á internetinum. Skjótt verður fyritøkan tó kend fyri onnur ting eisini.</p>

<p>Google hevur ætlanir um at byggja býir og flogvallir kring um í heiminum, skrivar norska blaðið, <a href="http://www.vg.no/nyheter/utenriks/teknologi/google-vil-bygge-byer-og-fly... target="_blank">VG</a>. Í løtuni er fyritøkan tískil í ferð við at gera smáar royndarmyndir av býum og flogvallum, ætlanin er at byggja.</p>

<p><strong>SÍ EISINI <a href="http://kvf.fo/greinar/2014/06/14/hesin-bilurin-kemur-avmynda-foroyar" target="_blank">Hesin bilurin kemur at avmynda Føroyar</a></strong></p>

<p>Tað er Larry Page, ein av Google-stovnarunum, ið er upphavsmaður til hugskotið. Page heldur, at flogvallir kundi verið riknir skynsamari, og at fólk brúka ov nógva tíð til ferðing til og frá flogvallum.</p>

<p>Google hevur longu bygt eina privata floghavn í San Jose í Kalifornia fyri slakar 500 milliónir krónur, til átta privat jetflogfør, sum fyritøkan eigur og brúkar í virkseminum hjá fyritøkuni.</p>