Herða trygdina í Hvítu húsunum

Herða trygdina í Hvítu húsunum
Trygdin verður nú herd í Hvítu húsunum í Washington, eftir at ein maður við knívi slapp inn um girðingina um húsini fríggjadagin
Trygdin í Hvítu húsunum í Washington verður nú herd enn meira, eftir at tað eydnaðist einum 42 ára gomlum manni at koma inn um trygdargirðingarnar við knívi fríggjadagin
Mynd: AP  
 
21.09.2014 - 11:01

<p>Tað sigst vera eitt tað best eftiransaða staðið í heiminum, hvat viðvíkur trygdini - Hvítu húsini í Washington, bústaðurin hjá amerikanska forsetanum og familju hansara, har eisini nøkur av embætisfólkum hansara starvast.</p>

<p>Kortini eydnaðist tað fríggjadagin 42 ára gamla Omar Gonzales at koma sær inn um trygdargirðingarnar við einum knívi uppi á sær, skriva útlendskir miðlar.</p>

<p>Secret Service, ið hevur dagligu ábyrgdina fyri trygdini í Hvítu húsunum, segði aftaná hendingina, at maðurin var óvápnaður. Ríkisákærin sigur nú, at maðurin bar knív, og tískil eisini verður ákærdur.</p>

<p><strong>Óvist hvat maðurin ætlaði</strong></p>

<p>42 ára gamli Omar Gonzales er avhoyrdur um hendingina fríggjadagin. Enn er ikki greitt, hvat hann ætlaði at gera í Hvítu húsunum, vápnaður við einum knívi við níggju sentimetrar longum blaði.</p>

<p>Trygdarløgreglan, Secret Service, hevur longu boðað frá, at trygdin í Hvítu húsunum í Washington verður herd enn meira aftaná hendingina, ið fór fram fríggjadagin.</p>

<p>Amerikanski forsetin, Barack Obama, og familja hansara vóru ikki í Hvítu húsunum, tá maðurin tók seg inn um trygdargirðingarnar. Talan er um álvarsamasta brotið á trygdina í Hvítu húsunum, síðan Obama tók við sum forseti í 2009.</p>

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584