Eysturoyar røktar-og ellisheim skiftir eigara

29.09.2014 - 11:03
AktueltPolitikkur
Eysturoyar røktar-og ellisheim skiftir eigara
Eysturoyar røktar og ellisheim verður frá ársskiftinum at rokna partur av eldraøkinum hjá Skálafjarðarsamstarvinum
 
 

Borgarstjórarnir í Eysturoy hava í dag undirskrivað avtalu um Eysturoyar røktar- og ellisheim.

Sum partur av yvirtøkuni av eldraøkinum eru Eystur-, Fuglafjarðar-, Runavíkar-, Nes- , Sjóvar-, Eiðis- og Sunda kommunu komnar ásamt um, at Eysturoyar røktar og ellisheim frá 01.01.15 verður partur av eldraøkinum hjá Skálafjarðarsamstarvinum, t.v.s. Runavíkar-, Nes- og Sjóvar kommunum.

Kommunurnar hava samtykt, at sjálvsognarstovnurin verður tikin av 1. januar komandi, og at Eysturoyar røktar- og ellisheim hareftir verður ogn hjá Skálafjarðarsamstarvinum. Broytingarnar í ognarviðurskiftunum viðføra ongar broytingar hjá búfólkunum á ellisheiminum. 

Økistænastan søkir leiðara

Kommunurnar kring Skálafjørðin, sum fyrr í ár gjørdu samstarvsavtalu um eldraøkið, søkja eftir leiðara til økistænastuna hjá Skálafjarðarsamstarvinum, - at byrja 1. desember.

Økistænastan fevnir m.a. um fyribyrging, fysio- og ergoterapi, heimahjálp, heimasjúkrarøkt, sambýli og ellisheim.

Ábyrgdaøki

Leiðarin skal taka sær av dagliga leiðsluarbeiðnum, og hevur fakligu, fíggjarligu og fyrisitingarligu ábyrgdina og ábyrgdina av starvsfólkaviðurskiftum. Leiðarin skal eisini tryggja framhald í yvirtøkugongdini, og verður fakligur ráðgevi og skrivari hjá stýrinum.

Stýrið hevur evstu ábyrgd av Økistænastuni, og er mannað við umboðum úr bý-og bygdaráðunum hjá Runavíkar, Nes og Sjóvar kommunum.

Økistænastan verður staðsett í Runavíkar kommunu, við egnari fyrisiting, óheft av kommunalu fyrisitingunum. 163 starvsfólk eru í Skálafjarðar-økistænastuni, og tey arbeiða í 23 bygdum við 5.933 fólkum.

Freistin at søkja starvið er 13. oktober.

Nýggjastu sendingar í ÚV
Leygardag 23. februar
Hvør myrdi Alec de Antiquis
91097
Leygardag 23. februar
Leygardagur 23.02.19
91563
Leygardag 23. februar
Tú skalt einki siga
91557
Leygardag 23. februar
Morgunlestur leygardagur 23. februar 2019
90860
Nýggjastu sendingar í SV
Leygardag 23. februar
Hondbóltur: Neistin - Kyndil
91573
Leygardag 23. februar
Hondbóltur: VíF - Kyndil
91572
Leygardag 23. februar
Mitt í náttúruni (9:9)
90125
Fríggjadag 22. februar
Lyst 28
91497
Fríggjadag 22. februar
Vinnulívsmenn kjakast um fiskivinnu
91538