Kubanskir læknar taka tørn ímóti Ebola

Kubanskir læknar taka tørn ímóti Ebola
165 kubanskir læknar eru í Sierra Leone, og nú fara 300 læknar og sjúkrarøktarfrøðingar til Liberia og Guinea, sigur Fidel Castro
Mynd: Savnsmynd  
 
19.10.2014 - 16:24

<p>Kuba hevur sent 165 læknar til Sierra Leone í Vesturafrika at hjálpa til at steðga Ebolasjúkuni, og nú hevur Fidel Castro, fyrrverandi forseti, boðað frá, at Kuba fer at senda 300 læknar og sjúkrarøktarfrøðingar aftrat til Liberia og Guinea.</p>

<p>Samstundis hevur Fidel Castro boðað frá, at Cuba er til reiðar at samstarva við USA, og Fidel Castro tekur sostatt Barak Obama uppá orðið, ið hevur heitt á øll heimsins lond um at gera sítt til, at tamarhald fæst á sjúkuni sum skjótast.</p>

<p>Hóast Kuba á mongum økjum er eitt menningarland, er heilsuverkið millum tey frægu samanborið við onnur lond í Miðamerika, og talið av læknum á Kuba er høgt í mun til fólkatalið.</p>

<p><strong>Ótti fyri búskaparligari vanlukku</strong></p>

<p>Forsetin í Liberia, Ellen Johnson Sirleaf, hevur í eini áheitan biðið øll heimsins lond standa saman í bardaganum ímóti Ebola.</p>

<p>Av teimum 4.500, ið eru deyð av sjúkuni í Vesturafrika, eru 2.200 deyð í Liberia, og forsetin sigur seg óttast fyri, at støðan kann elva til eina búskaparliga vanlukku.</p>

<p>Í Sierra Leone hevur forsetin boðað frá broytingum, sum skulu gera stjórnina betur føra fyri at fáa tamarhald á Ebolasjúkuni.</p>

<p>Verjumálaráðharrin skal standa á odda fyri einum liði, ið skal samskipa tiltøkini ímóti sjúkuni, og hann skal hvønn dag geva forsetanum frágreiðing um støðuna.</p>

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585