Handverksvinnan: eingin semingsroynd fráboðað enn

Handverksvinnan: eingin semingsroynd fráboðað enn
Semingsmenninir tosa fyrst við partarnar fyri at vita, hvat teir vænta sær av samráðingunum
Friður er á arbeiðsplássunum hjá handverkarum, hóast sáttmálarnir eru farnir úr gildi. Bíðað verður eftir semingsroyndini hjá Semingsstovninum.
 
20.10.2014 - 10:02

Semingsstovnurin kannar framvegis sjónarmiðini hjá handverksmeistarum og handverkarum í sáttmálasamráðingunum.

Partarnir ásannaðu seinasta týsmorgun, at samráðingarnar, sum byrjaðu 17.september, bóru ikki á mál og sendu tí boð eftir Semingsstovninum.

Fýra feløg eru við í samráðingunum, Føroya Handverksmeistarafelag og Føroya Arbeiðsgevarafelag og Føroya Handverkarafelag og Landsfelag Handverkaranna.

Sáttmálar úr gildi 

Sáttmálarnir vóru galdandi til 1.oktober, men teir eru longdir. Boðað er ikki frá verkfalli ella verkbanni, so fyribils verður arbeitt eftir gomlu sáttmálunum.

Semingsmenn eru Terje Sigurðsson og Símun Absalonsen. Terje Sigurðsson sigur í morgun, at enn hava teir ikki avgjørt, nær sjálv semingsroyndin byrjar.

Fyrst tosa teir við partarnar hvør í sínum lagi fyri at vita, hvat feløgini vænta sær av samráðingunum.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585