- Tíðindi, mentan og ítróttur
Verri fong men betri prís
Verri fong men betri prís
Veiðan hjá føroyska feskfiskaflotanum er minkað nakað samanborið við somu tíð í fjør. Men virðið á tí veidda veksur.
Mynd: Hagstova Føroya
23.11.2014 - 11:47
Fyrstu 10 mánaðirnar í fjør avreiddu føroysk feskfiskafør, sum ikki royna eftir uppsjóvarfiski, 64.600 tons. Sama tíðarskeið í ár var fongurin bara 58.700 tons, ið er sløk 6.000 tons minni enn í ár.
Í fjør var veiðan verd slakar 550 milliónir krónur, men í ár var avreiðingarvirðið stívliga 560 milliónir krónur, hóast veiðan var 9 prosent minni í vekt enn í 2013.
Tað eru serliga toska- og hýsuprísurin, sum toga avreiðingarvirðið rætta vegin. Í miðal hevur upsaprísurin verið støðugur at kalla, men annar botnfiskur hevur eins og toskur og hýsa givið skipum og bátum meiri burturúr.
Hetta sæst í uppgerð hjá Hagstovu Føroya.
Nýggjastu sendingar í ÚV
Nýggjastu sendingar í SV