Spyr løgmann um avgerðir hjá Umboðsmanninum

bannari
02.12.2014 - 10:33
AktueltPolitikkur
Spyr løgmann um avgerðir hjá Umboðsmanninum
Kristina Háfoss, tingkvinna, heldur, at málið um vantandi innlit í CIP-sáttmálan undirgrevur álitið á landsins leiðslu og fyrisiting
Mynd: Savnsmynd  
 
 

Kristina Háfoss, tingkvinna í Tjóðveldi, vil nú hava at vita frá Kaj Leo Holm Johannesen, løgmanni, um landsins fyrisiting skal fylgja teimum avgerðum, sum Løgtingsins Umboðsmaður tekur. Hon spyr, um løgmaður heldur tað vera rætt, at landsstýrisfólk senda avgerðir hjá Umboðsmanninum til hoyringar hjá øðrum aðalráðum, privatum feløgum og ráðgeving uttan fyri egnu fyristing.

Kristina Háfoss spyr eisini, um Løgmansskrivstovan - nú málið er sent Løgmansskrivstovuni til hoyringar - fer at mæla landsstýrismanninum í fíggjarmálum til at veita mest møguligt innlit í sáttmálan millum landsstýrið og CIP. 

Meiri enn óvanligt

Kristina Háfoss sigur, at hóast niðurstøðan hjá Umboðsmanninum er greið, hevur Fíggjarmálaráðið sent niðurstøðuna til hoyringar hjá fleiri pørtum - hjá Løgmansskrivstovuni, CIP og danska professaranum, Karsten revsbech. Hetta má sigast at vera meira enn óvanligt, sigur Kristina Háfoss. 

Síðani er danski professarin komin við ráðum til landsstýrið um, hvussu sleppast kann undan at fylgja niðurstøðuni hjá Umboðsmanninum.

Eftir standa tingfólk og Føroya fólk við fleiri spurningum enn svarum, og samstundis undirgrevur hetta í stóran mun álitið á landsins leiðslu og fyrisiting, sigur Kristina Háfoss í viðmerkingunum til grein 52 fyrispurningin, sum løgmaður skal svara skrivliga. 

Nýggjastu sendingar í ÚV
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Fríggjadag 15. desember
Morgunlestur fríggjadagur 15.desember 2017
75337
Hósdag 14. desember
Eivind Weyhe um Gøtuskeggjar (2:2)
75526
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220