Grundstykkir á Nesi 100.000 krónur bíligari

03.12.2014 - 08:19
AktueltPolitikkur
Grundstykkir á Nesi 100.000 krónur bíligari
24 grundstykki vórðu gjørd byggibúgvin í 2008, men bert tvey eru seld. Nú verður egnt við at lækka prísin
 
 

Bygdarráðið í Nes kommunu hevur samtykt at lækka prísin á grundstykkjumvið Lýðarsveg 100.000 krónur, úr 297.500 niður í 197.500 krónir. 
 
Tey 24 grundstykkini, sum í meðal eru 650 fermetrar til støddar, vóru liðug longu í 2008, og eru næstan byggibúgvin, men higartil eru bert tvey grundstykki seld. Sambært kommununi minkaði eftirspurningurin burtur í einki í 2008.

Men í eini roynd í at fáa gongd á søluna, hevur bygdarráðið í Nes kommunu nú gjørt av at lækka prísin.

Tey bæði seldu grundstykkini fáa sama avsláttur.

Kommunan skrivar á heimasíðu síni, at byggibúnu grundstykkini á Lýðarsvegi binda nógvan pening hjá kommununi, og tí hevur tað stóran týdning, at grundstykkini verða seld. Soleiðis fær kommunan nakað av peninginum aftur fyri grundstykkini, og fleiri borgarar, sum kunnu verða við til at hækka skattainntøkugrundarlagið hjá kommununi.

Nýggjastu sendingar í ÚV
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Leygardag 22. september
Morgunlestur leygardagur 22. september 2018
85416
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382