Fongslaður í fýra vikur

Fongslaður í fýra vikur
34 ára gamli føroyingurin, sum í gjár varð handtikin á Frederiksberg og skuldsettur fyri at hava dripið javngomlu donsku konu sína, noktar seg sekan
 
06.01.2015 - 11:28

Rætturin á Frederiksberg hevur varðhaldsfongslað 34 ára gamla føroyingin, sum er skuldsettur fyri at hava dripið konu sínu, í fýra vikur, meðan málið verður kannað.

Maðurin kom fyri rættin fyrrapartin. Hann varð avhoyrdur fyri afturlatnum hurðum, men áðrenn dyrnar vórðu latnar aftur, kom fram, at tann skuldsetti nú noktar seg sekan í skuldsetingini um dráp.

Tað var annars maðurin sjálvur, sum í gjár ringdi til løgregluna og boðaði frá, at hann helst hevði dripið konu sína.

Baldrut hjúnaband

Í gjár segði Hans Erik Raben, leiðari fyri drápsdeildini hjá løgregluni í Keypmannahavn, at málið var rættiliga greitt. 34 ára gamli føroyingurin hevði stungið donsku konu sína fleiri ferðir, og orsøkin var helst eitt baldrut hjúnaband.

Men í dag segði verjin hjá skuldsetta føroyinginum, Malene Wagner, at hann noktaði seg sekan, og bað um at fáa navnaforboð og hurðarnar latnar aftur. Tíðindafólkini mótmæltu, men kravið hjá verjanum varð eftirlíkað.

Meiri verður at frætta í útvarpstíðindunum á middegi

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584