Toran elvdi til 161 skaðar

Tryggingarfelagið Føroyar fekk fráboðan um óvanliga nógvar skaðar, ið stóðust av toruni í fjør.

161 elskaðar vóru fráboðaðir, ið stóðust av, at toran sló niður.

Tað sæst í tíðindaskrivi frá Tryggingarfelagnum. 

Fráboðanir um el-skaðar komu úr øllum landinum, men flestu skaðarnir vórðu skrásettir í Saltangará. Har vóru tilsamans 98 el-skaðar fráboðaðir, stendur í tíðindaskrivinum frá Tryggingarfelagnum.