VB og Kyndil spæla hóskvøldið

VB og Kyndil spæla hóskvøldið
Seinna hálvfinalan millum VB og Kyndil er aftur flutt. Nú stendur dysturin til at skulu spælast hóskvøldið
Uni Arge, formaður í Kyndli, Kristian Johansen, formaður í HSF og Vígdis Nolsøe, forkvinna í VB
Mynd: hsf,fo  
 
27.01.2015 - 22:20

Upprunaliga skuldi seinna hálvfinalan í steypakappingini millum VB og Kyndil spælast mikukvøldið klokkan 20:00. Tað vildi Kyndil ikki, og síðani flutti kappingarnevndin dystin til fríggjakvøldið klokkan 20:00.

VB helt ikki, at tað var rætt, og í kvøld hevur verið fundur í Hondbóltssambandinum. Á fundinum vóru Starvsnevndin hjá HSF, VB og Kyndil.

Sum skilst á tíðindaskrivi frá HSF er semja millum partarnar. Dysturin verður hóskvøldið klokkan 20:00.

Tíðindaskriv frá HSF:

Starvsnevndin hjá HSF ásannar, at dystarleggingin av øllum hálvfinalunum hevur verið óheppin, tí m.a. liðini hjá Kyndli skuldu spæla á hvør sínum stað samstundis.

Avgerðin at leggja dystirnar á hendan hátt setti VB í eina óhepnu støðu, har felagið gjørdist partur av einum stríðsmáli, sum tað ongan lut átti í.

Starvsnevndin er beinanvegin farin undir at endurskoða kappingarleistin fyri hálvfinalurnar í steypakappingini til næsta ár, so ein tílík støða ikki endurtekur seg.

Kristian Johansen, formaður í HSF, sigur:

-HSF tekur fulla ábyrgd av, at hendan støðan kom í, tí dystirnir áttu at verið lagdir betur. Vit takka VB og Kyndli fyri í sátt og semju at hava loyst hendan knútin hondbóltinum at frama.

Vigdis Nolsøe, forkvinna í VB, sigur:

-Vit í VB eru sera fegin um, at ein loysn er funnin á málinum, og at vit øll nú kunnu savna okkum um hondbóltin, sum vit elska so nógv. Nú gleða vit okkum bara til ein góðan dyst.

Uni Arge, formaður í Kyndli, sigur:

-Vit hava havt ein sera góðan fund í dag, har Kyndil, VB og HSF í besta sóma hava tosað seg til rættis, so málið kundi fáa ein enda. Vit hyggja nú frameftir í besta ítróttaranda og gleða okkum til dystin.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584