Gylt ár hjá nótaflotanum

Gylt ár hjá nótaflotanum
Aktivini hjá trimum nótareiðaríum eru økt 1,3 milliard krónur síðani Føroyar slitu makrelavtaluna. 10 familjur eru blivnar 720 milliónir ríkari
 
02.02.2015 - 14:45

<p>Avgerðin um at slíta strandalandaavtaluna og áseta Føroyum egna makrelkvotu, hevur verið gylt hjá føroyska nótaflotanum.</p>

<p>Ein gjøgnumgongd av roknskapunum hjá trimum teimum størstu feløgunum í uppsjóvarvinnuni vísir, at feløgini hesi árini hava vaksið seg til risar í føroyskum vinnulívi.</p>

<p>Árini frá 2009 til 2013 eru aktivini í hesum trimum feløgum økt við einari milliard og 300 milliónum krónum.</p>

<p><strong>Varðin størstu framgongdina</strong></p>

<p>Størstu framgongdina hevur samtakið Varðin í Gøtu. Í 2009 - sum var síðsta árið áðrenn Føroyar brutu seg burturúr strandalandaavtaluni - átti felagið aktiv fyri 546 milliónir.</p>

<p>Í 2013 vóru aktivini ein milliard og 342 milliónir krónur. Vøksturin er 246 prosent. Sama tíðarskeiðið er eginognin vaksin úr 250 milliónum upp í 647 milliónir.</p>

<p>Felagið Palli hjá Mariannu - sum byggir sítt virksemi á nótaskipini Norðborg og Christian í Grótinum - hevði í 2009 aktiv fyri 485 milliónir krónur - í 2013 vóru aktivini 845 milliónir. Vøksturin er 75 prosent. Hesi fýra árini er eginpeningurin farin úr 145 milliónum upp í 398 milliónir krónur.</p>

<p>Framherji hevði í 2009 aktiv fyri 500 milliónir - í 2013 vóru aktivini 647 milliónir. Vøksturin er 30 prosent. Eginognin í hesum smápartafelag var í 2009 góðar átta milliónir - í 2013 var eginognin 117 milliónir krónur.</p>

<p><strong>Trý reiðarí aktiv fyri 2,8 milliardir</strong></p>

<p>Tilsamans hava hesi trý reiðarí - Varðin, Palli hjá Mariannu og Framherji - aktiv fyri 2,8 milliardir krónur sambært 2013-roknskapunum. Ein vøkstur á 1,3 milliard krónur eftir fýra árum.</p>

<p>Til samanberingar er samlaða skuldin í hesum trimum reiðarí-samtøkum 1,4 milliard. Eginpeningurin er nærum trýfaldaður - úr 403 milliónum upp í 1162 milliónir.</p>

<p>Hyggja vit eftir, hvør eigur hesi virði, so er talan um ein sera avmarkaðan skara.</p>

<p><strong>11 persónar eiga Varðan</strong></p>

<p>Flestu, av teimum 11 persónunum, ið eiga Varðan, eru búsitandi í Gøtu:</p>

<p>Malena Jacobsen, Tummas Thomsen, Arni Hansen, Kári Hansen, Frits Thomsen, Jógvan Dávid Jacobsen, Pól Øregaard Jacobsen og Jógvan Petur Hentze, øll búsitandi í Gøtu, umframt Jaspur Hansen í Saltangará, John Martinson Jarnskor í Havn og Bogi Jacobsen í Sandavági.</p>

<p>Taka vit hædd fyri nærmastu familjubondum - til dømis faðir og sonur ella tveir brøður - so minkar eigaraskarðin í Varðanum niður á átta familjur.</p>

<p>Reiðarísamtakið Palli hjá Mariannu er ein familjufyritøka burturav. Eigarar eru Christian Martin Rasmussen og synirnir Jón, Eyðun og Bogi Rasmussen.</p>

<p>Framherji hevur ein, føroyskan eigara, umframt íslendska Samherja, sum eigur ein triðing av samtakinum - talan er um Anfinn Olsen í Fuglafirði.</p>

<p><strong>10 familjur blivnar 720 milliónir ríkari</strong></p>

<p>Samanumtikið er tí talan um 10 føroyskar familjur, sum eftir fýra árum hava økt um sítt vinnuliga virksemi við 1,3 milliard og nú umsita virði fyri 2,8 milliardir krónur.</p>

<p>Hesar 10 familjur eiga fyritøkur, sum hava ein bókaðan eginpening á 1162 milliónir krónur. Hesar 10 familjur eru síðstu fýra árini blivnar 720 milliónir krónur ríkari.</p>

<p>Tá er bara ein brotpartur av virðismiklu uppsjóvarkvotunum, ið reiðaríini fáa útlutað sum eginkvotur á hvørjum ári, virðisásettar í roknskapunum.</p>

<p>Bara í 2013 høvdu tey trý reiðarí-samtøkini - Varðin, Palli hjá Mariannu og Framherji - tilsamans 217 milliónir krónur í yvirskoti. Roknskapirnir fyri 2014 eru enn ikki lidnir og almannakunngjørdir, men alt bendir á, at árið í fjør var betri enn 2013.<br />
&nbsp;</p>

<p><em>Í kvøld kemur fyrsta av trimum sendingum um føroysku fiskivinnuna. Fyrsta sendingin ber heitið "Landsstýrisútnevndir milliardingar" og lýsir avleiðingarnar av at Føroyar í 2010 fingu eina milliardainntøku við at áseta sær eina størri makrelkvotu.</em></p>

<p><em>Sendingin er á skránni í sjónvarpinum, beint eftir Dag &amp; Viku.</em></p>

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584