Fleiri bátar við flóttafólkum í havsneyð

Altjóða miðlar skriva, at enn fleiri bátar við flóttafólkum eru komnir í havsneyð í Miðjarahavinum. Miðlarnir eru kortini ikki heilt samdir í, hvussu nógv fólk ella bátar, talan er um.

Í minsta lagi tríggir ymiskir bátar við flóttafólkum umborð hava fyri løtu síðani sent út neyðarkall, sigur felagsskapurin, International Organization of Migration, á Twitter.

Greinin heldur fram niðanfyri

IOM learning of three more #migrant boats in distress intl waters.

— IOM (@IOM_news) April 20, 2015

Sambært tíðindastovuni, Associated Press, skal talan vera um umleið 400 flóttafólk, sum í løtuni eru í bátum, ið eru í havsneyð og eru um at søkka.

Greinin heldur fram niðanfyri

MORE: The Latest: Ships are responding to distress calls from 2 boats carrying some 400 migrants: http://t.co/L1ZiPQXgkf

— The Associated Press (@AP) April 20, 2015

Fráboðanin, um at fleiri bátar við flóttafólkum eru komnir í havsneyð í Miðjarðarhavinum, kemur bert eitt samdøgur eftir at umleið 900 flóttafólk mistu lívið sunnudagin.

SÍ EISINI Hundraðtals flóttafólk helst druknað

Uttanríkis- og løgmálaráðharrarnir í ES vórðu í skundi kallaðir saman til fund seinnapartin í dag í Luksemburg, at umrøða nógvu vanlukkurnar við bátsflóttafólkum í Miðjarðarhavinum.

Í farnu viku vórðu 13.500 flóttafólk bjargað í Miðjarðarhavinum meðan 1.600 onnur flóttafólk í bátum druknaðu, skrivar BBC News á netinum.