Skal hava 5.000 atkvøður um dagin frá bláa veingi

Munurin millum bláa og reyða vongin í donskum politikki er nú somikið stórur, at reyði vongurin hvønn dag til valið skal taka 5.000 veljarar frá bláa vonginum.

Tað vísir ein  útrokning, sum granskarar á universitetinum í Keypmannahavn hava gjørt.

Ein av granskarunum, Martin Vinæs Larsen, sigur við Danmarks Radio, at seinasta meiningakanningin vísir, at 100.000 atkvøður eru ímillum veingirnar og tí má reyði vongurin vinna 5.000 atkvøður um dagin fyri at viknna fólkatingsvalið.

Kanningin vísir, at reyði vongurin hevði fingið 47 prosent av atkvøðunum, um val var nú, og blái vongurin hevði fingið 53 prosent.

Tí eru serfrøðingar í iva um, um Helle Thorning-Schmidt klárar at venda gongdini.

Hon er kortini nógv hægri í metum millum fólk, enn Lars Løkke Rasmussen, og eydnast henni at fáa fyrimun av tí, so kann alt henda, siga eygleiðararnir.