HM í estetiskum fimleiki byrjar í morgin

HM í estetiskum fimleiki byrjar í morgin
Meiri enn 600 fólk eru komin til kappingina, sum er hin størsta, sum eitt einstakt sersamband undir ÍSF hevur skipað fyri í Føroyum
 
05.06.2015 - 13:20

Sum ítróttatiltak er kappingin næststørsta tiltakið eftir oyggjaleikirnar í 1989, tá 846 ítróttarfólk vóru við. 

Tilsamans 44 lið úr 13 londum verða við í HM-kappingini, sum byrjar kl. 13.00 leygardagin í høllini á Hálsi og heldur fram kl. 14.00 sunnudagin. 

Fyrireikað í langa tíð

Føroya Fimleikasamband hevur fyrireikað kappingina síðan 2012, og avbjóðingin at hýsa øllum fólkunum hevur verið stór.

Men við vælvild og góðari samskipan millum fleiri partar eru loysnir funnar, og hvørt gistingarhús í Havn verður fullsett, nú øll liðini eru komin til Føroyarskrivar Fimleikasamband Føroya.

Nýggj áskoðarapláss eru sett upp í høllini á Hálsi, og pláss verður fyri 1.130 áskoðarum. Fyrireikararnir boða frá, at sølan av atgongumerkjum hevur gingið so væl, at tað nú er útselt. 

13 lond kappast

Londini, sum fara at kappast á Hálsi, verða Føroyar, Russland, Japan, Kina, Spania, Italia, Kanada, Estland, Danmark, Finland,  Bulgaria, Tjekkia og Eysturríki. Avbjóðingin verður stór fyri Føroyar, men Føroyar hava ofta staðið seg væl í HM.

Kappingar verða bæði fyri kvinnur og unglingar, og Føroyar hava lið við í báðum bólkunum.  Liðini, sum fara at umboða Føroyar, eru úr Havnar Fimleikafelag, Ljósinum og Støkk. 

Sjónvarpið sendir beinleiðis

Og kappingin byrjar sum sagt í morgin í høllini á Hálsi, og sjónvarpið sendir beinleiðis haðani í morgin frá kl. 13.00 til 18.00, og eisini sunnudagin frá kl.14.00 til kl. 17.00.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584