Frá sum formaður, men verður sitandi sum løgmaður

bannari
26.06.2015 - 09:39
AktueltPolitikkur
Frá sum formaður, men verður sitandi sum løgmaður
Verður Kaj Leo Holm Johannesen noyddur at leggja frá sær sum floksformaður, ætlar hann kortini at verða sitandi í løgmansembætinum
Mynd: Savnsmynd  
 
 

Kaj Leo Holm Johannesen verður sitandi sum løgmaður, til val er útskrivað - eisini um hann noyðist arleggja frá sær sum formaður í Sambandsflokkin fyrst í august.  

Tað sigur løgmaður sjálvur.

Løgmaður, ting- og landsstýrismanning hjá Sambandsflokkinum høvdu fyrrapartin í gjár fund á Gamla Apoteki, har støðan varð umrødd, nú kanningin hjá Hans Gammeltoft-Hansen um leiklutin hjá løgmanni í málinum um break-fee avtaluna við CIP staðfestir, at løgmaður bar løgtinginum skeivar upplýsingar. 

Niðurstøðan á fundinum var, at formaðurin fyrst í august fer at kalla landsnevndina saman, og síðani fer flokkurin at viðgera politisku støðuna og spurningin, um formaðurin kann verða sitandi ella ikki. 

Til reiðar at fara frá sum floksformaður

Sjálvur er Kaj Leo Holm Johannesen sinnaður at leggja frá sær sum formaður í Sambandsflokkinum, um flokkurin metir tað vera bestu loysnina. 

Spurningurin er so, hvat hendir, um Kaj Leo Holm Johannesen má frá sum formaður í Sambandsflokkinum. Merkir tað so eisini, at hann leggur frá sær sum løgmaður?

- Nei, sigur Kaj Leo Holm Johannesen sjálvur. 

Hann ætlar sær at vera sitandi sum løgmaður, til val er útskrivað. 

Tí kann tað henda, at Sambandsflokkurin fær nýggjan formann í august, men at fráfarandi formaðurin heldur fram sum løgmaður og leiðari í samgonguni, til val er útskrivað. 

Sí eisini

Nýggjastu sendingar í ÚV
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Fríggjadag 15. desember
Morgunlestur fríggjadagur 15.desember 2017
75337
Hósdag 14. desember
Eivind Weyhe um Gøtuskeggjar (2:2)
75526
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220