Atkvøðurnar á fólkatingsvalinum fíntaldar

bannari
30.06.2015 - 11:49
Atkvøðurnar á fólkatingsvalinum fíntaldar
Fólkaflokkurin fekk 16 atkvøður afturat, Tjóðveldi misti 12. Tað vóru størstu broytingarnar, tá atkvøðurnar á fólkatingsvalinum vórðu taldar umaftur
Atkvøðurnar á fólkatingsvalinum, ið var 18. juni, eru nú fíntaldar
Mynd: Savnsmynd  
 
 

Eftir fínteljingina er Tjóðveldi framvegis størsti flokkurin. Tjóðveldi fekk 5.718 atkvøður. Javnaðarflokkurin fekk 5.670 og Sambandsflokkurin 5.496 atkvøður.

Munurin millum teir báðar flokkarnir gjørdist átta atkvøður størri enn hann var valkvøldið, tí Sambandsflokkurin misti fýra atkvøður og Javnaðarflokkurin fekk fýra afturat, so 174 atkvøður gjørdu, at Sjúrður Skaale varð valdur í Fólkatingið og ikki Edmund Joensen.

Tak niður: Atkvøðurnar á fólkatingsvalinum 2015 fíntaldar (PDF-skjal, letur upp í nýggjum kaga)

Men munurin millum Tjóðveldi og Javnaðarflokkin er upp aftur minni, hann er bara 48 atkvøður. Valkvøldið var hann 64 atkvøður. Nýtt Sjálvstýri misti tríggjar atkvøður í fínteljingini og endaði á 400, Framsókn misti fimm og endaði á 744.

Fínteljingin broytti einki hjá Miðflokkinum, sum fekk 605 atkvøður og Uttanflokkalistin fekk tvær atkvøður afturat og endaði á 347 atkvøðum.

Nýggjastu sendingar í ÚV
Fríggjadag 20. apríl
Morgunlestur fríggjadagur 20. apríl 2018
79723
Hósdag 19. apríl
Kvørnin ummælir "Lagna"
80050
Hósdag 19. apríl
Nón í Vágum
80033
Hósdag 19. apríl
Óendaliga vera - 9.partur
78584
Nýggjastu sendingar í SV
Fríggjadag 20. apríl
Lyst 14
79977
Hósdag 19. apríl
Gud signi Føroyar 6:6
79994
Mikudag 18. apríl
25 minuttir: Bára Silvansdóttir
79974
Mánadag 16. apríl
3-2
79896
Sunnudag 15. apríl
Møti úr Oasuni í Hoyvík
79843