Løkke fingið grønlendsku ynskini

bannari
30.06.2015 - 09:08
Løkke fingið grønlendsku ynskini
Lars Løkke Rasmussen hevur fingið ynskini frá teimum báðum nývaldu grønlendsku umboðunum í Fólkatinginum, Aleqa Hammond og Aaja Chemnitz Larsen
Nývaldu fólkatingsumboðini í Grønlandi hava borið fram ynskini hjá Grønlandi eftir fólkatingsvalið herfyri fyri Lars Løkke Rasmussen
Mynd: Savnsmynd  
 
 

Danskir pengar í ein grønlendskan ráevnisgrunn, serligan ráðharra fyri ríkisfelagsskapin, og lógírnar um málsøkini, sum Danmark varðar av í Grønlandi, skulu dagførast.

Grønlendsku fólkatingskvinnurnar hava givið nýggja danska forsætisráðharranum, Lars Løkke Rasmussen, síni ynski, nú nýggj stjórn er skipað í Danmark, skrivar KNR.

Siumut vil hava Danmark at seta pengar í ein grønlendskan ráevnisgrunn, sum eisini skal fíggja undirstøðukervið í Grønlandi.

IA tekur undir við uppskotinum

Aleqa Hammond, fólkatingskvinna, sigur við KNR, grønlendska kringvarpið, at endamálið við grunninum er eisini at fáa danskar íløgur í Grønlandi til frama fyri ríkisfelagsskapin.

IA tekur undir við hesum uppskotinum um at fáa danir, bæði statin og privatar fyritøkur, at gera íløgur í Grønlandi.

Siumut vil eisini hava kannað pengarenslið millum Danmark og Grønland fyri at vita, hvussu nógv Danmark fær aftur av heildarveitingini, millum annað danskar fyritøkur, sum arbeiða í Grønlandi.

Vilja sleppa fram at samráðingarborðinum

Siumut vil eisini hava Danmark at taka á seg størri ábyrgd sum arktisk tjóð og, at Danmark í størri mun hjálpir grønlendingum, sum koma illa fyri í Danmark.

Aaja Chemnitz Larsen í IA vildi hava forsætisráðharran at tilnevna ein ráðharra fyri Arktis og ríkisfelagsskapin. Slíkur ráðharri er tó ikki við í nýggju donsku stjórnini.

IA vil eisini sleppa fram at samráðingarborðinum, tá danska fíggjarlógin verður gjørd. Og Danmark eigur at síggja til, at lógir um donsk málsøki í Grønlandi verða dagførdar.

Nýggjastu sendingar í ÚV
Fríggjadag 15. desember
Jazzofonin 13. desember 2017
75580
Fríggjadag 15. desember
Mjørkadalsbygningurin er ein arkitektonisk perla
75541
Fríggjadag 15. desember
Jazzofonin 6. desember 2017
75559
Fríggjadag 15. desember
Morgunlestur fríggjadagur 15.desember 2017
75337
Hósdag 14. desember
Eivind Weyhe um Gøtuskeggjar (2:2)
75526
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220