Formansskapurin onga niðurstøðu enn

bannari
03.07.2015 - 08:10
AktueltPolitikkur
Formansskapurin onga niðurstøðu enn
Formansskapurin í løgtinginum veit framvegis ikki, hvat skal gerast við niðurstøðurnar hjá kanningarstjóranum, Hans Gammeltoft-Hansen
Formansskapurin í løgtinginum hevði fund seinnapartin í gjár um kanningina, men Formansskapurin hevur onga niðurstøðu enn
 
 

Nú løgtingið hevur havt kanningina hjá Hans Gammeltoft-Hansen í hálvaaðru viku er framvegis ikki greitt, hvat tingið skal gera við greiðu niðurstøðurnar hjá kanningarstjóranum.

Formansskapurin í løgtinginum hevði fund seinnapartin í gjár um kanningina. Men Formansskapurin hevur onga niðurstøðu enn og heldur onga ætlan um at kalla tingið saman at viðgera kanningina og niðurstøðurnar í henni.

Málið má viðgerast neyvari

Formansskapurin hevur fingið ávegis upprit frá umsitingini, løgfrøðingunum, hjá løgtinginum og fer at hava fund aftur týsdagin, sigur Jógvan á Lakjuni, løgtingsformaður.

Spurdur, hví formansskapurin ikki kallar tingið saman alt fyri eitt, svarar Jógvan á Lakjuni, at málið er so umfatandi, at tað má viðgerast neyvt, áðrenn tingið fær fundarboð.

- Eingin orsøk at kalla tingið saman, tá vit ikki vita, hvat tingið skal viðgera. Formansskapurin má fyrst gera eitt uppskot, sum tingið skal taka støðu til, sigur Jógvan á Lakjuni, løgtingsformaður.

Løgtingið skal helst brúka 14 dagar

Jonhard Klettheyggj, løgtingsstjóri, segði við Útvarpið fyri einari viku síðani, at tey skuldu helst brúka 14 dagar ella so at orða tilmælið til formansskapin.

Sambandsflokkurin gjørdi skjótari av enn løgtingið. Í gjár fekk Kaj Leo Holm Johannesen stuðul frá politikarum floksins og tí, tey kalla baklandið - veljarafeløgini - at halda fram sum formaður floksins og løgmaður.

Kaj Leo Holm Johannesen skal standa á odda fyri flokkinum til løgtingsvalið seinni í ár.

Nýggjastu sendingar í ÚV
Sunnudag 15. juli
HM-tíðindi 15. juli
83350
Sunnudag 15. juli
Arkitekturur á útoyggj - Svínoy
83034
Sunnudag 15. juli
Gudstænasta í Sandavágs kirkju
83346
Leygardag 14. juli
Fríðtíð og náttura (2:4)
83308
Leygardag 14. juli
Morgunlestur leygardagin 14. juli 2018
82851
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333