Pamela biður Putin steðga íslendskari hvalaveiðu

15.07.2015 - 07:42
AktueltÚtheimurin
Pamela biður Putin steðga íslendskari hvalaveiðu
Pamela Anderson, sum er kend úr sjónvarpsrøðini BayWatch, hevur sent russiska forsetanum, Vladimir Putin, persónligt bræv
 

Pamela Anderson heitir á Putin um hjálp at steðga íslendsku hvalaveiðini.

Serliga hevur sjónleikarakvinnan heitt á russiska forsetan um ikki at loyva farmaskipinum, Winther Bay, at sigla gjøgnum russiskt sjóøki á leiðini til Artiska havið, tí skipið hevur 1.800 tons av hvalatvøsti umborð, sum skal flytast til Japan.

Winther Bay er skrásett undir hentleikaflaggi í karibisku oynni St. Kitts & Nevis, men tvøstið kemur frá íslendsku hvalastøðini Hvalur.

Orsakað av altjóða banni at flyta hvalatvøs, er Winther Bay hvørki sloppin at sigla gjøgnum Suez ella Panamaveitina, og tí hevur manningin verið noydd at broyta kós og sigla norður um gjøgnum artiska havið og russiskt sjóøki.

Winther Bay liggur framvegis í Tromsø í Noreg og bíðar eftir at siglandi er fyri ísi framvið Norðpólinum. Lítið er av sjóísi í august og september, og tástani fer skipið úr Tromsø.

Í síðstu viku heitti umhvørvisfelagsskapurin, Avaaz, á forsætisráðharran á St Kitts & Navis, Timothy Harris, um at noyða Winther Bay at flagga út úr Karibisku oyggjunum, so at skipið ikki kann leggja frá landi í Tromsø.

Felagsskapurin hevur savnað inn undirskriftir, og sigur, at higartil hava tey fingið nærum eina miljón undirskriftir. 

Tú kanst síggja brævið frá Pamelu Anderson til Vladimir Putin her.

 
Nýggjastu sendingar í ÚV
Sunnudag 20. september
Guðstænasta í Vesturkirkjuni
113675
Sunnudag 20. september
Oddvá Nattestad er gestur í Brunsj
113670
Sunnudag 20. september
"Á jólum vóru vit sorgleys".
113610
Leygardag 19. september
Jambalaja 190920
113661
Leygardag 19. september
Morgunlestur leygardagur 19. september 2020
113244
Nýggjastu sendingar í SV
Sunnudag 20. september
Andakt við Kristiani á Reynatrøð
113686
Sunnudag 20. september
Guðstænasta úr Havnar kirkju
113687
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403