Til Miðeysturs at greiða frá kjarnorkuavtaluni

Til Miðeysturs at greiða frá kjarnorkuavtaluni
Amerikanarar royna at sannføra Ísrael og Saudi Arabia um, at avtalan við Iran er rætti politikkurin.
Mikudagin var avtalan gjørd við Iran
Mynd: Savnsmynd  
 
19.07.2015 - 11:46


Amerikanski verjumálaráðharrin, Ashton Carter, er farin til Miðeysturs at tosa um avtaluna, sum kjarnorkuveldini og Týskland hava gjørt við Iran um, at landið ikki skal menna kjarnorkuvápn.

Í dag fer Ashton Carter at hava fund við ísraelsku stjórnina, og síðani fer verjumálaráðharrin til Saudi Arabia, har ótryggleikin um avtaluna eisini er stórur, hóast landið sigur seg taka undir við henni.

"Søguligt mistak"

Tá avtalan millum Iran og kjarnorkuveldini varð gjørd mikudagin, segði ísraelski forsætisráðharrin, Benjamin Netanyahu, um hana, at talan var um eitt søguligt mistak, sum fór at gera tað lættari hjá Iran at stuðla teimum, ið taka undir við sjónarmiðum teirra viðgongdu í Miðeystri.

Stuðul Irans heldur fram

Orð ísraelska forsætisráðharrans styrktust av, at ovasti átrúnaðarleiðari Irans, Ali Khamenei, ayatollah, aftaná avtaluna segði, at Iran fer at halda fram at stuðla fólkinum í Palestina, Libanon, Sýria, Irak, Yemen og Bahrain.

Á ferð síni í Miðeystri skal amerikanski forsætisráðharrin eisini til Jordan at tingast um, hvussu hernaðarligi Islamski staturin skal basast.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585