Seld partabrøv í fjør gjørdu munin í avlopinum

Seld partabrøv í fjør gjørdu munin í avlopinum
Norðoya Sparikassi hevur kunngjørt hálvársroknskapin. Avlopið eina millión minni í ár enn í fjør. Minni sett av móti tapi.
Solvensurin hjá Norðoya Sparikassa var 18,1 prosent tann 30.juni, 8,5 prosentstig meira enn kravt.
 
28.07.2015 - 11:06

Norðoya Sparikassi hevði 6,2 milliónir krónur í avlopi fyri skatt fyrra hálvár í ár, eina millión minni enn í fjør.

Munurin stavar ikki frá verri rakstri í ár, sigur sparikassin í hálvársfrásøgn sínari, men sparikassin seldi í fjør partabrøv í Nets A/S í Danmark fyri eina millión.

Avlopið av vanliga rakstrinum í ár er 8,1 millión, tað var 8,7 í fjør. Rentuinntøkan er minni í ár, og tí er avlopið minni.  

65 milliónir inn 12 út

Fyrra hálvár komu 65 milliónir krónur á bók, men bara 12 milliónir blivu læntar út. 

Innlánini eru nú 322 milliónir krónur størri enn útlánini.   

Minni sett av móti tapi

Fyrra hálvár í ár niðurskrivaði Norðoya sparikassi útlán og ábyrgdir 1,8 mió. kr. sum eru, 600.000 kr. minni enn í fjør.

Sparikassin hevur framt stórar niðurskrivingar seinastu árini, men gongdin í niðurskrivingum seinasta árið ber boð um, at útlit eru fyri, at niðurskrivingarnar næstu árini verða minni enn undanfarin ár. 

Seks prosent í rentu

Á umboðsráðsfundinum í mars samtykti umboðsráðið enn eina ferð at renta ábyrgdarpeningin við fimm prosentum yvir hægstu innlánsrentu fyri 12 mánaða uppsøgn, sum geva góð seks prosent í rentu. 

Og áhugin fyri at tekna ábyrgdarpening í Norðoya sparikassa er stórur. 

Í fjør vaks ábyrgdarpeningurin 31 prosent, og til 1.juli í ár komu 33 prosent afturat. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585