Fáa meiri í løn, men missa eisini

bannari
16.09.2015 - 10:25
AktueltPolitikkur
Fáa meiri í løn, men missa eisini
Aksel V. Johannesen, løgmaður, hevur lýst nýggju lógina um lønina hjá løgmanni og landsstýrisfólkum
 
 

Aksel V. Johannesen, sum í gjár bleiv løgmaður, lýsti sína fyrstu kunngerð í gjár.

Tað er kunngerðin, sum sigur, at nýggja lógin um lønina hjá løgmanni og landsstýrisfólkum kom í gildi í gjár.  Lógin varð samtykt á vári í fjør, men gildiskomudagurin skuldi ásetast við kunngerð. Og tann kunngerðin kom so í gjár.

Tey, sum nú eru í landsstýrinum, fáa nógv meira í løn enn tey, sum fóru úr landsstýrinum í gjár.Men tey missa aðrar inntøkur og skulu, eins og flestu onnur, rinda til egna eftirløn.

Løgmaður fær 17.560 kr., 30 prosent, meira um mánaðin, og landsstýrisfólkini fáa 14.535 kr., 29 prosent, meira enn tey fingu eftir gomlu lógini.

Løgmaður og landsstýrisfólk fáa somu samsýning at ferðast fyri sum løgtingsfólk fáa, - tað er fyri 200 ferðir aftur og fram um árið.

15 prosent í eftirløn

Skattafría borðfæið og kostnaðarendurgjøldini fara í søguna, og eftirlønarskipanin fer frá tænastumannaskipan til skipan, har goldið verður inn til egna uppsparing.

Eftirlønin verður 15 prosent.  

Og hjá løgmonnum og landsstýrisfólkum, sum fara úr landsstýrinum í løgtingið, verður fráfaringarlønin frá landsstýrinum mótroknað í lønini frá løgtinginum.   

Sagt varð í lógaruppskotinum, at landskassin fer at spara slakar fýra milliónir krónur um árið við nyggju lønarskipanini. Men í fjør vóru sjey fólk í landsstýrinum, nú eru tey átta.

Nýggjastu sendingar í ÚV
Sunnudag 17. juni
Jazzofonin 30 mei 2018
81991
Sunnudag 17. juni
Chorus 17. juni 2018
81990
Sunnudag 17. juni
"Eg gav skeivan heilivág"
81936
Nýggjastu sendingar í SV
Sunnudag 17. juni
Andaktin
81999
Sunnudag 17. juni
Guðstænasta úr Dómkirkjuni
81994
Leygardag 16. juni
Video: Eystanstevna, 8mf
81982
Leygardag 16. juni
Video: Eystanstevna 2018, 10mf
81980
Leygardag 16. juni
Video: Eystanstevna 2018, 5mf kvinnur
81979