Dregur út at manna nevndarsessirnar

bannari
17.09.2015 - 15:09
AktueltPolitikkur
Dregur út at manna nevndarsessirnar
Tingfundurin, sum skuldi takast uppaftur klokkan 14, er útsettur til klokkan 16
 
 

Tað dregur út at manna nevndarsessirnar í løgtinginum, og tingfundurin, sum skuldi takast uppaftur klokkan 14, er nú útsettur til klokkan 16.

Kringvarpið skilir, at andstøðan hevur mannað sínar sessir, men valbólkurin hjá samgonguni, Nýggjum Sjálvstýri og Sonju Jógvansdóttir er ikki liðugur við sítt nevndarbýti.

Valbólkurin hjá samgonguni hevur tilsamans 20 tinglimir, og hann tryggjar sær sostatt allar formanssessirnar í løgtingsnevndunum. 

Fór í part við samgonguni

Nýtt Sjálvstýri fór í valbólk saman við samgonguflokkunum og Sonju Jógvansdóttir, sum er uttanflokka, eftir at hon tók seg úr Javnaðarflokkinum.

 Annika Olsen, sum fyri viku síðani fór úr Fólkaflokkinum, er nú partur av tingbólkinum hjá Framsókn.

Gomlu samgonguflokkarnir, Sambandsflokkurin, Fólkaflokkurin og Miðflokkurin eru í andstøðu, og teir fáa ongan formanssess í tingnevndunum.

Nýggjastu sendingar í ÚV
Mikudag 19. september
Morgunlestur mikudagur 19. september 2018
85413
Týsdag 18. september
Morgunlestur týsdagur 18. september 2018
85412
Mánadag 17. september
Hann helt at alt bar til
85450
Nýggjastu sendingar í SV
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382
Mikudag 12. september
»Bumbuflogfarið á Nakki«
16409