Harðskapur, klipp í koyrikortið og ófriður

Harðskapur, klipp í koyrikortið og ófriður
Løgreglan hevur havt úr at gera í nátt. Serliga í Klaksvík vóru boð fleiri ferðir eftir løgregluni
 
04.10.2015 - 10:34

Ferðmátingar vórðu gjørdar, og ein ungur bilførari fekk koyriforboð, eftir at hann varð tikin fyri aðru ferð. Tað hendi í Hvalvík í nátt, tá hann varð tikin fyri at koyra 106 km um tíman, har sum loyvt er at koyra 80 km um tíman. Tað gevur klipp í koyrikortið, og tá hann frammanundan hevði fingið eitt klipp fyri ov nógva ferð, hevur hann fingið forboð fyri at koyra bil.

Við Áir vóru fýra bilførarar tiknir fyri at koyra ov skjótt, teir koyrdu millum 106 og 108 km um tíman, og allir fýra fingu klipp í koyrikortið.

Ein bilførari varð tikin í bygdini í Kollafirði, fyri at koyra 80 km um tíman, har loyvt er at koyra 50, og hann fær eisini klipp í koyrikortið.

Ófriður í Klaksvík

Tríggjar ferðir var løgreglan boðsend í Klaksvík, tí har var ófriðarligt. Fyrstu ferð var talan um ófrið uttanfyri eitt skeinkistað, men løgreglan fekk sissað fólk, so har hendi einki stórvegis. 

Í morgun vóru aftur boð eftir løgregluni, tí ófriður var. Talan var um ein av teimum somu, sum órógvaði fyrr um náttina. Hann varð tikin við á løgreglustøðina, og síðani koyrdur til hús.

Í Klaksvík var løgreglan eisini eftir einum pari, sum ikki kundi semjast úti á gøtuni. Teu vóru somikið harðlig við hvørt annað, at fólk boðaðu løgregluni frá. Løgreglan kom eftir, at tey áttu eitt pinkubarn saman, og tí er tað málið latið barnaverndini, upplýsir løgreglan.

Uttanfyri eitt skeinkistað fóru nøkur fólk til hendurs í nátt, løgrglan fekk kortini sissað fólkini, so har hendi ikki meir.

Leita framvegis eftir vitnum

Í vikuni sóknaðist løgreglan eftir vitnum í einum neyðtøkumálið við Sjónleikarhúsið í Havn.

Nøkur fólk hava boðað frá, at tey kanska hava sæð okkurt, og arbeitt verður víðari við tí málinum, upplýsir løgreglan.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584